Guyana Observer News

 De place dry and dem boys want to know bout all de money that de government spend shoring up de drainage system because dem expect rain. De rain didn’t come but Robert and de others still spend. Imagine dem boys looking fuh se how much millions spend to dig a drain. No rain fall and dem still spend millions of dollars. Dem boys seh that it look like whenever dem have a drought more money does spend than when dem have a flood. Imagine dem build sluice and dem don’t have water to flow through. Imagine dem build reservoir and de only thing that can full de reservoir is sand. That is wha dem boys seh. Two contractor now decide that dem done wid racket. Dem frighten. Dem claim that de Waterfalls paper skinning up people and dem deserve to live in peace. Dem done wid corruption. And talking bout corruption, Dr Luncheon tell a lady that if she stand up by a road corner too long people gun dump garbage pun she. Is not that she look like a garbage dump; is just that people dumping anything wheh dem feel.