Guyana Observer News

 When people see a reporter name in de papers dem does believe that is a big one; that reporters are next to God in order of importance. Is by accident that dem boys know that reporters ain’t nutten to shout about; that dem is nuff bluff and that nine times out of ten dem ain’t know nutten. Dem had an accident at Success. Somebody call in to de Waterfalls paper to give de story and to request that a reporter go to de scene. It don’t tek long fuh a reporter to travel from de Waterfalls paper to Success but this time nearly one hour past but this reporter ain’t reach de scene. When dem boys call dem find out that de reporter was heading to Timehri. This is a reporter who didn’t know wheh Success was. And people does think that reporters know everything.