Guyana Observer News

Valentine come and gone and some people suddenly know how lonely life can be. Bharrat sit at home and de only flower he get was from Kwame. Dem had some gyal who did want to go and sport wid he because nuff drinks does share. Bharrat don’t have to pay. However, dem gyal frighten de security guard suh dem keep dem distance. Uncle Adam didn’t even get a flower but he get some text message and some phone call. He even get a promise that if he behave heself he gun get some company next year. But dem had nuff lonely people. Khurshid sit down and look through he window whole day hoping that some neighbour would come over. He still waiting. Bharat Dindyal had to watch de GPL station and all de watch he watch dem still had blackout.