Guyana Observer News

 Ralph want overseas voting come back and Freddie interpret that to mean that de PPP frighten. But is a strange thing.
One time de same people didn’t want overseas voting and dem get Uncle Dessy to drop it. Dem even get he to cancel postal voting and things like that. When Jimmy Carter come he seh that is a good thing. He even seh that people must count de vote at de place of poll. Well it shouldn’t surprise people if somebody call back fuh postal voting and then counting all dem vote at one location. De argument that de Constitution give every Guyanese, here and abroad, de right to vote was one that Uncle Dessy use and de same Ralph challenge he. Well dem boys got Freddie to fight fuh dem. In de fuss place Uncle Freddie don’t travel. In de second place he vex wid all of dem who run away.